Акыркы эки күндө Кыргызстандын аймагында вирусту жуктурган 23 учур аныкталды. Алардын ичинен 4 сырттан келгендер. Калган 19 адам чет өлкөдөн келгендер менен байланышта болгондор, тагыраак айтканда жергиликтүү ички жуктуруу. Бул тууралуу брифинг учурунда саламаттыкты сактоо министрлигинин өкүлү Касымбек Мамбетов билдирди.

“Жуктуруунун 19 ички учурдун арасында 14 жашка чейинки 4 бала бар. 15 учур 5 үй-бүлөлүк очокто жаралган. Үч бейтап жандандыруу бөлүмүндө жатат. Эки жарандын абалы орточо оор, бир жаран жасалма дем алдырууга кошулду”, – деди ал.

Кыргызстанда вирусту жуктургандардын жалпы саны 107ге жетти.