Оштун Ноокат районунда деградацияга учураган 390 гектар жайыт жери калыбына келтирилүүдө. Бул тууралуу Айыл чарба министрлиги билдирди.

Мамлекет тарабынан берилген жайыт өсүмдүктөрүнүн алты түрү аталган жерге себилип, атайын тосмолор менен тосулган. Учурда себилген үрөндөр өнүп чыгып, жайыттардын түшүмдүүлүгүн калыбына келтирүү процесси жүрүп жатат.

Бул иш-чаралар жер ресурстарын натыйжалуу пайдаланууга, тоют базасын чыңдоого жана аймактын экологиялык абалын жакшыртууга багытталган.

Эске салсак, ушул жылы өлкөнүн кунарсыз жана деградацияга учураган жайыттарын калыбына келтирүү максатында республикалык бюджеттен 50 млн сом бөлүнгөн.