4-майда Нячанг (Вьетнам) — Бишкек каттамы боюнча бараткан учак Индиянын Колькутта шаарынын аэропортуна техникалык конууга мажбур болгон. Бул тууралуу ТИМ билдирди.

Air nomad авиакомпаниясынын маалыматына ылайык, конуу май куюу жана учуунун коопсуздугун камсыз кылуу максатында жүргүзүлгөн.

Жүргүнчүлөрдүн арасындагы Кыргызстандын 163 жараны мейманканага жайгаштырылып, эки маал тамак-аш жана бардык зарыл шарттар менен камсыз болушкан. Авиакомпания тарабынан кошумча аба борту берилип, учакты Бишкекке 4-майдын кечинде учуруу пландалган.