Орусиянын Оренбург облусунун Соль-Илецк аймагында кармалып турган 541 кыргыз жараны мекенине кайтып келди. Бул тууралуу бүгүн, 7-майда Тышкы иштер министрлигинен билдиришти.
Маалым болгондой, алар Казакстан тарап менен жетишилген макулдашуунун жыйынтыгында жеке унааларын калтырып, атайын уюштурулган 10 автобус менен алынып келинген. Казакстандын аймагынан өтүүдө коңшу өлкө автобустарга атайын транзиттик жол ачып берип, өлкөнүн жол полициясынын коштосунда өткөрүшкөн.
ТИМден кошумчалагандай, мекенине кайткан кыргызстандыктардын бары обсервацияга алынган.
