Бүгүн, 1-октябрда, Жапониянын Айти-Нагоя шаарында өтүп жаткан Азия оюндарында балбан Акжол Махмудов грек-рим күрөшүндө коло медаль жеңди. Спортчу 77 килограммга чейинки салмак категориясында күч сынашкан.

Спортчу алгачкы беттешинде жапониялык Нао Кусакага утулган. Каршылашы финалга чыккандыгына байланыштуу мелдештин эрежесине ылайык Акжол Махмудов көңүл жубатуучу беттешке катышуу укугун алган.

Көңүл жубатуучу кармашта ал Казакстандын балбаны Демеу Жадраевди 10:1 эсебинде утту. Ал эми коло медаль үчүн беттеште кытайлык спортчу Руи Люну 9:0 эсебинде мөөнөтүнөн мурда жеңип, үчүнчү орунга ээ болду.