Ушул жылдын апрель айында Ош – Кашгар эл аралык авиакаттамын ачуу пландалууда. «Кыргызстан аэропорттору» жана Кытайдын COMAC авиакуруу корпорациясынын өкүлдөрү жаңы каттамды ишке киргизүү маселесин талкуулашты.

Сүйлөшүүлөрдүн алкагында Ош – Кашгар багыты боюнча учуулар COMAC C909 учактары менен аткарылары болжолдонду. COMAC корпорациясы аталган учактарды пайдаланган Chengdu Airlines авиакомпаниясынын акционери болуп саналат.

Бул долбоор Кыргызстан менен Кытайдын ортосундагы транспорттук жеткиликтүүлүктү камсыз кылууга, соода-экономикалык, туристтик жана гуманитардык байланыштарды өнүктүрүүгө багытталган.