4-апрелде Ош шаарынын мэри Жеңишбек Токторбаев турак жайга муктаж болгон көп балалуу эки үй-бүлөгө жаңы батирлердин ачкычын тапшырды. Бул тууралуу Ош шаардык мэриясынын басма сөз кызматы билдирди.
Маалыматка караганда, жаңы батирлер Жибек жолу муниципалдык аймактык башкармалыгынын тургуну, 7 балалуу Шерзод Умарбаевдин үй-бүлөсүнө (2 уул жана 5 кыз) жана Курманжан-Датка муниципалдык аймактык башкармалыгынын тургуну, 7 балалуу Гүлнара Алип кызына (4 уул, 3 кыз) демөөрчүлөр тарабынан тапшырылды.
Аталган батирлер «Капитал строй инвест» жана «Сулайман Групп» курулуш компаниялары тарабынан жардам иретинде берилди.
Жеке батирге ээ болгон үй-бүлөлөр мэрдин колдоосу жана жардамы үчүн ыраазычылыктарын билдиришти.
Биздин Телеграм каналга катталыңыз