Ошто жеке үйдө чыккан өрттөн 2013, 2016 жана 2018-жылы туулган үч бала каза болду. Алардын атасы күйүк алып, ооруканага жаткырылды. Бул тууралуу ӨКМден билдиришти.

Өрт саат 04:00 чамасында чыккан. ӨКМдин маалыматы боюнча, өрт өчүрүү кызматына кабар 40 мүнөттөн кийин түшкөн. Өрт 3,5 сааттан кийин өчүрүлдү, анын аянты 120 чарчы метрди түздү.

Балдардын сөөгү өрт болгон жерден табылды. Атасынын денесинин 60%га жакыны күйгөн, ал облустук ооруканага жеткирилди.

Алдын ала маалымат боюнча, өрткө ашканадагы электр зымдарынын кыска туташуусу же электр жылыткычтын бузулушу себеп болушу мүмкүн.