Ош шаарындагы тергөө абагынын имараты музейге айланат. Бул тууралуу шаар мэри Жанарбек Акаев тургундар менен жолугушуу учурунда билдирди.

Калаа башчысынын айтымында, тергөө абагы шаар сыртына, Отуз-Адыр айылына көчүрүлөт. Имараттын бошогон ордун музей кылуу боюнча Жазаларды аткаруу кызматынын жетекчилиги менен сүйлөшүүлөр жүрүүдө.

Ош мэриясынын маалыматында, көп жылдар бою тергөө абагы болуп кызмат кылып келген бул имарат тарыхый мааниге ээ. Аны 1890-жылдары Алымбек Датка менен Курманжан Датканын уулу Камчыбек кербен сарай катары салдырган.