Президент Садыр Жапаров пенсияларды жогорулатуу тууралуу жарлыкка кол койду. Ага ылайык, 2026-жылдын 1-октябрынан тартып пенсиянын камсыздандыруу бөлүктөрү жогорулатылып, пенсиянын минималдуу өлчөмү 8 800 сомго чейин жеткирилет. Бул тууралуу президенттик администрация билдирди.

Бул чечим 2025-жылдагы орточо эмгек акынын жана керектөө бааларынын өсүшүн эске алуу менен кабыл алынган. Социалдык фонддун финансылык мүмкүнчүлүктөрүнүн негизинде жогорулатуу коэффициенти 1,20 өлчөмүндө бекитилген. Мында кошумча төлөмдүн суммасы 1 000 сомдон кем эмес жана 10 000 сомдон ашпаган өлчөмдө болот.

Жыйынтыгында пенсиянын орточо өлчөмү 12 миң 898 сомго жетет. Жалпысынан пенсия орточо эсеп менен 1 753 сомго же 116%га жогорулайт.

Ошондой эле жаңы пенсия чектөөдө анын эң төмөнкү чеги 8 800 сомдон аз болбошу керек. Алдын ала эсептөөлөр боюнча, 1-октябрга карата пенсионерлердин саны 832,4 миң адамды түзөт. Пенсияларды жогорулатуу үчүн бюджеттен 4,4 млрд сом каралган.