Ош шаарындагы борбордук базардын мурдагы ордуна жаңы маданий, туристтик эс алуу комплекси курулат. Бүгүн, 20-августта, Ош шаарынын мэри Жанарбек Акаев менен базар жайгашкан жердин менчик ээлери ортосунда эки тараптуу меморандумга кол коюлду. Бул тууралуу Ош мэриясы кабарлады.

Долбоорго ылайык, аймакта Оштун тарыхын жана маданиятын чагылдырган этно-борбор, эс алуу жайлары жана соода түйүндөрү жайгаштырылат. Курулуш менчик ээлеринин ири инвестициялык каражаттарынын эсебинен жүргүзүлөт. Ошондой эле долбоордун алкагында жер ээлерине компенсация төлөө маселеси каралган.

Мэрия курулуш иштерин 1-сентябрдан тартып баштоо пландалып жатканын билдирди.