Кара-Суу районунун Отуз-Адыр айылында июль жана август айларында аркандалып турган малдарды уурдап кетишкен. Бул тууралуу Ош облустук ички иштер башкармалыгы билдирди.

Кылмышка шектелип, Өзгөн районунун 42 жана 33 жаштагы тургундары кармалды.

Алар уурдалган малдарды  башка аймактын базарына алып барып сатып жиберген.

Учурда Кара-Суу райондук ички иштер бөлүмүнүн Кылмыш иликтөө бөлүмүнүн кызматкерлери тарабынан уурдалган малдарды ээлерине кайтаруу жана шектүүлөрдүн башка кылмыштарга тиешеси бардыгын аныктоо боюнча ыкчам-издөө иш-чаралары жүрүп жатат.