УКМК И.Раззаков атындагы Кыргыз мамлекеттик техникалык университетинин (Политех) мугалимдерине карата козголгон кылмыш ишин тергөө аяктаганын билдирди.

Коррупциялык схема фактысы боюнча ачылган кылмыш ишинин алкагында, аталган университеттин мугалимдери С.У.Ж. жана А.А.Е. иштен айдалышты. Аларга Кылмыш-жаза кодексинин 346-беренесинин (кызматтык жасалмачылык) 1-бөлүгүнүн негизинде кылмыш иши козголгон.

Мындан тышкары аталган окуу жайдын 14 мугалими жана жооптуу кызматкерлери дисциплинардык жазага тартылды. Ошондой эле 153 студент окуудан чыгарылды. Алардын 112си КМШ жарандары болгон.

УКМК кылмыш ишинин материалдары сотко жөнөтүлгөнүн кабарлады.