Ички иштер министрлигинин Кылмыш иликтөө башкы башкармалыгы 1985-жылы туулган А.Б. аттуу жаранды кармады. Ал атайын психиатриялык мекемеде жазасын өтөп жатканда криминалдык идеологияны тутунган адамдардын тобун түзүп, өзүн “положенец” деп жарыялаган.

Маалыматка ылайык, А.Б.:

• 2018-жылы мурдагы укук коргоо кызматкерине бир нече жолу бычак сайган.
  Соттолгондордон “общак” үчүн акча чогулткан;
• Физикалык артыкчылыгын жана өз таасирин колдонуп, мекемеде жана сыртында адамдарды көзөмөлдөгөн;
• Мыйзамсыз жол менен алынган каражатка үйлөр, жер тилкелерин жана 100дөн ашык ири мүйүздүү бодо малды сатып алган;

ИИМдин маалыматы боюнча, А.Б. коомдук коопсуздукка коркунуч жаратып, уюшкан кылмыштуулуктун жайылышына өбөлгө түзгөн. А.Б.га Кылмыш-жаза кодексинин 261-беренеси (уюшкан топ түзүү) боюнча кылмыш иши козголду.

Ыкчам-тергөө иштеринин жүрүшүндө А.Б. камакка алынып, анын шериги 1980-жылы туулган А.А. да кармалды. Тергөө уланууда.