Президент Жалал-Абаддагы Кыргызстан менен Россиянын аймактарынын достук паркына барды. Бул тууралуу президенттин маалымат катчысы Аскат Алагөзов кабарлады.

“Мамлекет башчысы парктын аймагын көрүп чыгып, анын көрктөндүрүлүшү жана эс алуу жайлары менен таанышты.
Ал шаар тургундары менен баарлашып, алардын ой-пикирин жана каалоо-тилектерин угуп, шаардыктар менен бирге сүрөткө түштү.

Мамлекет башчы жергиликтүү бийликти жана жашоочуларды шаардагы тазалыкты, тартипти сактоого чакырып, калаага кам көрүү ар бир адамдын жоопкерчилигинен башталарын  белгиледи”,-деп билдирди Алагөзов.