Башкы прокуратура Транспорт жана коммуникациялар министрлигинин сактоосунда турган мобилизациялык резервде товар жана материалдардын ири өлчөмдө жетишсиз экендигин аныктады. Бул тууралуу аталган мекеме билдирди.

Маалыматта айтылгандай, резервдеги жетишсиз товарлар жана материалдардын жалпы суммасы 567 млн сомдон ашат.

Бул факты боюнча Кылмыш-жаза кодексинин 337-беренесинин (кызмат абалынан кыянаттык менен пайдалануу) негизинде кылмыш иши козголду. Учурда тергөө жүрүп жатат.