Бишкекте өтүп жаткан күрөш боюнча дүйнөлүк рейтингдик мелдеште балбан кыз Айпери Медет кызы (76 кг) жарым финалга чыкты.

Айпери Медет кызы бүгүн, 2-июнда мелдештин экинчи күнүндө таймашка чыгып, беттешти квалификациялык айлампадан баштады.

Биринчи кармашында ал казакстандык балбанды, андан кийин чейрек финалда украиналык спортчуну жеңип алды.

Эми ал жарым финалда кытайлык балбан кыз менен күрөшөт.

Эскерте кетсек, грек-рим, эркин жана кыз-келиндер күрөшү боюнча Каба уулу Кожомкул жана Раатбек Санатбаев атындагы дүйнөлүк рейтингдик мелдеш 1-4-июнь күндөрү «Бишкек-Арена» муз аянтчасында болуп өтөт. Ага дүйнөнүн булуң-бурчунан келген 500дөн ашык спортчу катышууда.

Биздин Телеграм каналга катталыңыз