Ош облусунда ок-дарылар жана жардыргыч заттар сакталган жашыруун жай табылды. Бул тууралуу Улуттук коопсуздук мамлекеттик комитетинен билдиришти.
Маалым болгондой, ок-дарылар менен жардыргыч заттар 30-майда Өзгөн шаарынын четинен табылган.
«8 даана граната, 6 даана модернизацияланган бирдиктүү кол гранатасынын сактагычы (запал УЗРГМ), 5,45 мм калибрдеги 114 патрон, 7,62 мм калибрдеги 46 патрон, 9 мм калибрдеги 1 патрон (Глок тапанчасынын), 7,62 мм калибрдеги 1 гильза табылып алынды. Табылып алынган ок-дарылар боюнча тиешелүү экспертизалар дайындалды», — деп айтылат маалыматта.
Учурда бул жашыруун жайга тиешеси бар адамдарды аныктоо иштери жүрүүдө.
Биздин Телеграм каналга катталыңыз
