Йошида Кейго Кыргызстандын Туризмди өнүктүрүү боюнча мамлекеттик агенттигинин Жапониядагы коомдук өкүлү — «Кыргыз Республикасынын Туризм элчиси» болуп дайындалды. Бул чечим Жапонияда эки өлкөнүн туризм жана ишкердик жаатындагы кызматташтыгына арналган жолугушууда кабыл алынган.

Туризмди өнүктүрүү мамлекеттик агенттигинин маалыматында, Йошида Кейгого Кыргызстандын туристтик дараметин Жапонияда жана эл аралык аренада илгерилетүү милдети жүктөлдү.

Анын иши Кыргызстан менен Жапониянын ортосундагы өнөктөштүк мамилелерди түзүүгө, туризм тармагына инвестиция тартууга жана эки өлкөнүн ишкердик байланыштарын бекемдөөгө багытталат.