Бишкектин борбордук аянтына өлкөнүн башкы жаңы жылдык балатысын орнотуу башталды. Иштер 9-ноябрда башталып, ага «Тазалык» жана «Бишкекжарык» муниципалдык ишканаларынын кызматкерлери тартылган.

Балатынын бийиктиги 32 метр, диаметри 13 метр болот. Анын негизи металл каркастан туруп, ага 3 800 ийне жалбырактуу дарактын бутагы бекитилет.

Балатыны орнотуу борбор калааны Жаңы жылга карата жасалгалоо иштеринин бир бөлүгү болуп саналат. Иштер декабрь айынын ортосуна чейин уланат.