Президент Садыр Жапаров 11-ноябрда Сауд Арабияга иш сапары менен барат. Бул тууралуу президенттин администрациянын тышкы саясат бөлүмүнүн башчысы Муратбек Азымбакиев билдирди.

Сапарынын алкагында Жапаров Ислам кызматташтык уюмунун кезексиз саммитине катышат.

“Анын жүрүшүндө Палестина жана түштүк Ливан, ошондой эле жалпы Жакынкы Чыгыш аймагындагы учурдагы кырдаалды талкуулоо пландаштырылууда. Саммиттин алкагында президент Садыр Жапаровдун сөз сүйлөөсү, ошондой эле Сауд тарап менен бир катар эки тараптуу жолугушуулар пландаштырылууда”, – деди Азымбакиев.