Президент Садыр Жапаров алдыдагы Жогорку Кеңештин мөөнөтүнөн мурдагы шайлоосуна байланыштуу элге кайрылып, мамлекеттик кызматкерлерди добуш берүү процессине кийлигишпөөгө чакырды.

Мамлекет башчысы белгилегендей, кимде-ким шайлоого аралашса, кызматтан кетирилип гана тим болбостон, катуу жоопкерчиликке тартылат.

«Айыл өкмөттөн баштап мага чейинки ар бир мамлекеттик кызматкерге, мугалимдерге, дарыгерлерге кайрылам. Шайлоого аралашпаңыздар. Ким аралашса, катуу жазаланат. Бирок талапкерлердин чогулушуна барып, алардын программасын угууга тыюу жок. Жүрөгүңөргө жаккан талапкерге добуш бериңиздер, бирок үгүт иштерине катышпаңыздар», — деди Жапаров.

Президент шайлоо процессин калыстык менен башынан аягына чейин жеке көзөмөлдөй турганын кошумчалады.