Салык кызматынын төрагасы Алмамбет Шыкмаматов 28-августта Ош шаарына болгон иш сапарынын алкагында акциздик маркасы жок товарларды аныктоо боюнча рейд өткөрдү.

Курманжан Датка көчөсүндө жайгашкан ири соода түйүндөрүн текшерүү маалында жалпы суммасы 142 миң 811 сомго барабар 3 767 даана жасалма суусундуктар табылды.

Шыкмаматов рейддин жүрүшүндө жасалма «Кока-Коланы» кантип айырмалоо керектигин көрсөтүп берди. Ошондой эле ал Салык кызматынын кызматкерлерине бул суусундуктарды жеткирген тараптарды аныктап, мыйзам алкагында тиешелүү чараларды көрүүнү тапшырды.