Кыргызстан менен Пакистан соода, экономика жана технология тармактарындагы кызматташтыгын күчөтүүдө. Өлкөлөр аралык өкмөттүк комиссиянын бешинчи жыйыны өттү.

Жолугушууга Кыргызстандын Улуттук инвестициялык агенттигинин өкүлү Дамирбек Бикулов катышып, туризм, энергетика, айыл чарба, өнөр жай жана логистика сыяктуу инвестиция үчүн маанилүү тармактарды сунуштады.

Иш-чаранын жыйынтыгында Кыргызстандын Инвестициялык агенттиги менен Пакистандын Инвестициялык кеңеши өз ара түшүнүшүү тууралуу меморандумга кол коюшту.