31-марттан 2-апрелге чейин күтүлүп жаткан жаан-чачынга жана абанын температурасынын жогорулашына байланыштуу Кыргызстандын тоолуу райондорунда, айрым аймактарында кар көчкү түшүүсү күтүлүүдө. Бул туурасында Өзгөчө кырдаалдар министрлигинен билдирди.

• Бишкек-Ош унаа жолунун 121-138 чакырымдарында (Төө-Ашуу ашуусу),
• 98-255 чакырымдарында (Ала-Бел ашуусу, Чычкан капчыгайы),
• Суусамыр-Талас-Тараз унаа жолунун 1-14 чакырымдарында (Өтмөк ашуусу),
• Ала-Бука-Каныш-Кыя унаа жолунун 68-76, 84-92   чакырымдарында (Чапчыма ашуусу),
• Красная Горка-Ак-Таш унаа жолунун 1-4 чакырымдарында,
• Мырза-Аке-Кара-Кулжа-Алайкуу унаа жолунун 74-95-чакырымдарында,
• Ош-Сары-Таш-Эркештам унаа жолунун 160-179 чакырымдарында (Талдык ашуусу),
• Сары-Таш-Дароот-Коргон-Карамык унаа жолунун 136-137 чакырымдарында (Батман-Көл айылы),
• 147-150 чакырымдарында (Кара-Тейит айылы),
• Бишкек-Нарын-Торугарт унаа жолунун 289-305 чакырымдарында (Долон ашуусу, Кара-Үңкүр капчыгайы),
• Казарман-Актал-Чат унаа жолунун 42-44 чакырымдарында (Ийри-Суу тилкеси),
• 60-94 чакырымдарында (Кара-Гөө ашуусу) жана Каракол-Эңилчек унаа жолунун 45-48, 65-90 чакырымдарында,
• Барскоон-Ак-Шыйрак унаа жолунун 52-68 чакырымдарында (Сөөк ашуусу) кар көчкү түшүүcү жана кар күрткүсү күтүлөт, жолдор тайгак болуп муз тоңот.

Унаалардын ортосундагы 500 метр аралык кыймыл чектелиши зарыл.