31-августта өлкө боюнча, 1-сентябрь күнү Бишкек шаарында айрым Транспорт каражаттарын жана айдоочулук курамды каттоо боюнча мамлекеттик борборунун бөлүмдөрү иштебейт. Бул тууралуу борбордун басма сөз кызматы билдирди.

Маалыматка ылайык, 31-август — Эгемендүүлүк күнү иш эмес майрам күнү болуп саналат. Ал эми 1-сентябрь Бишкек шаарындагы бюджеттик уюмдардын кызматкерлери үчүн эс алуу күнү деп белгиленген. Буга байланыштуу:

• 31-августта борбордун бардык бөлүмдөрү иштебейт.
• 1-сентябрда аймактык бөлүмдөр штаттык режимде иштейт.

Бирок 1-сентябрда Бишкек шаарында Шанхай кызматташтык уюмунун (ШКУ) саммитине байланыштуу төмөнкү бөлүмдөр ишин токтотот:

• Аламүдүн бөлүмү;
• «Биримдик» бөлүмү;
• Чыгыш бөлүмү;
• «Аю Гранд» соода борборундагы шаардык бөлүм.

«РИОМ» унаа базарынын аймагында жайгашкан Аймактар аралык бөлүм 1-сентябрда штаттык режимде иштейт. Дареги: Чүй облусу, Кожомкул айылы, Фрунзе көчөсү, 211.