2–4-сентябрда VI Дүйнөлүк көчмөндөр оюндарынын алкагында Кырчын жайлоосунда кыргыз-казак төкмө акындарынын эл аралык айтышы өткөрүлөт.

Маданият министрлигинин маалыматында, иш-чара маданий байланышты бекемдөөгө жана төкмөлүк өнөрдү жайылтууга багытталган.

Айтышка Кыргызстандын жана Казакстандын акындары катышат. Катышуучулар комуздун коштоосунда эки элдин тарыхы, достугу жана биримдиги тууралуу өнөрлөрүн тартуулашат. Иш-чаранын байге фонду 3 млн сомду түзөт.