Журналист Канышай Мамыркулова УКМКга суракка чакырылды. Бул тууралуу ал «Фейсбуктагы» баракчасында билдирди.
Мамыркулованын айтымында, ал УКМКга «Бүтүн Кыргызстан» партиясынын мүчөсү Замирбек Шамшидин уулунун иши боюнча күбө катары суракка саат 14:00го чакырылган.
Ал «Бүтүн Кыргызстан» партиясынын мүчөсү эмес экенин белгиледи.
Эскерте кетсек, Канышай Мамыркулова – таанымал журналист. Акыркы жылдары «Фейсбук» аркылуу өлкөдөгү коомдук-саясий кырдаалдар боюнча бийликке сын айтып жүргөн.
Ал эми Замирбек Шамшидин уулу УКМК тарабынан Кылмыш-жаза кодексинин 278-беренесинин 3-бөлүгү (массалык башаламандыктарга чакырып жасоо) беренеси боюнча шектүү катары кармалып, камакка алынган.
Биздин Телеграм каналга катталыңыз
