Илим, жогорку билим берүү жана инновациялар министрлиги менен Интеллектуалдык менчик мамлекеттик фонду жаштар арасында республикалык эссе сынагын жарыялады.

Сынакка 15 жаштан 35 жашка чейинки жарандар катыша алышат. Катышуучулар Чыңгыз Айтматовдун чыгармаларындагы төмөнкү темалар боюнча эссе жазышы керек:

• «Ч. Айтматовдун чыгармаларындагы гуманизм философиясы»
• «Мен Айтматовду окуганда…»
• «Ч. Айтматовдун чыгармаларындагы илим жана техника»
• «Жазуучунун чыгармачылыгындагы экологиялык көйгөйлөрдүн актуалдуулугу»
• «Ч. Айтматовдун чыгармаларындагы балдардын образы».

Сынактын шарты боючна, дилбаяндын көлөмү 4 беттен ашпоого тийиш. Эссени мамлекеттик же расмий тилде жазууга болот. Иштер толтурулган арыз формасы менен бирге 2026-жылдын 9-сентябрынан 23-октябрына чейин кабыл алынат. Жеңүүчүлөргө дипломдор жана белектер тапшырылат.

Сынак боюнча толук маалымат fund.patent.kg сайтына жайгаштырылган.