Жамааттык коопсуздук келишими уюмунун (ЖККУ) башкы катчысы Таалатбек Масадыков КР коргоо министри Руслан Мукамбетов менен жумушчу жолугушуу өткөрдү. Бул тууралуу уюмдун басма сөз кызматы билдирет.

Анын маалыматы боюнча, жолугушуунун жүрүшүндө тараптар ЖККУ форматындагы биргелешкен машыгууларды даярдоого жана өткөрүүгө негизги көңүл бурушту.

Масадыков менен Мукамбетов алдыдагы ыкчам жана күжүрмөн даярдык боюнча иш-чаралардын графигин карап чыгышты.

Мындан тышкары, тараптар аскердик-техникалык кызматташтыкты өнүктүрүүнүн келечегин жана жамааттык коопсуздук системасын өркүндөтүү маселелерин талкуулашты.