Ушул жылдын январь–июль айларында өлкөдө өндүрүлгөн алкоголдук продукциялардан 2 млрд 36 млн сом акциз салыгы чогултулду. Бул тууралуу Салык кызматы билдирди.

Маалыматта айтылгандай, бул көрсөткүч 2024-жылдын ушул мезгилине салыштырмалуу 10 млн сомго көп.

Ошондой эле январь-июль айларында ЕАЭБге мүчө өлкөлөрдөн импорттолгон алкоголдук продукциялардан түшкөн акциздик салыктын көлөмү 426 млн сомду түзгөн, бул өткөн жылдын ушул мезгилине салыштырмалуу 98 млн сомго көп.

2024-жылы өлкө аймагында өндүрүлгөн жана ЕАЭБ өлкөлөрүнөн импорттолгон алкоголдук продукциядан түшкөн акциздик салыктын жалпы көлөмү 4 млрд 302 млн сомду түзгөн, ал эми 2023-жылы 3 млрд 930 сомду түзгөн.