2025-жылдын январь–июль айларында Кытайдан Кыргызстанга импорттолгон жашылча-жемиштердин көлөмү өткөн жылдын ушул мезгилине салыштырмалуу 4 эсеге өстү. Бул тууралуу Кытайдын Башкы бажы башкармалыгына шилтеме берип, Tazabek.kg жазып чыкты.

Маалыматта айтылгандай, импорттун жалпы көлөмү 249,5 млн долларды түзүп, эң көп жеткирүүлөр апрель жана май айларында болгон. Импорттун өсүшү негизинен Кытайдан картошка жана сабиз алып келүүнүн көбөйүшү менен байланыштуу экени айтылды.