Кыргызстандык балбан Айпери Медет кызы Астанада өтүп жаткан күрөш боюнча дүйнө чемпионатынын жарым финалына чыкты. Ал 76 кг чейинки салмак категориясында күч сынашууда.

Медет кызы мелдешти 27-октябрда 1/8 финалдан баштады. Алгачкы беттеште египеттик балбан Самар Амер Ибрахим Хамзаны 10:6 эсебинде утуп, атаандашын далыга жаткырды. Чейрек финалда австриялык Мартина Кюнц менен беттешип, 3:3 эсебинде күрөш ыкмаларынын сапаты боюнча жеңишке жетти.

Жарым финалда кыргызстандык балбан Индиянын өкүлү Кажал менен беттешет. Беттеш Бишкек убактысы боюнча саат 17:45те башталды.

Кыргызстандан 65 кг чейинки салмак категориясында Гүлнура Талантбекова да катышты. Ал дагы мелдешти 1/8 финалдан баштап, украиналык спортчуга утулду. Талантбекова коло медаль үчүн күрөшүүгө мүмкүнчүлүгүн сактап калды.