Кыргызстанда соңку бир сутка ичинде дагы 719 адамдын анализинен коронавирус аныкталды. Бул тууалуу коронавируска күрөшүү үчүн түзүлгөн республикалык штаб 12-июлда маалымдады.
Оору жугузуп алгандардын эң көбү Бишкек шаарында —500 адам. Ош шаарында 37, Чүй облусунда 96, Ош облусунда 20, Нарын облусунда 1, Ысык-Көл облусунда 15, Жалал-Абад облусунда 20, Баткен облусунда 34, Талас облусунда алты адамга илдет жуккан.
Акыркы сутка ичинде коронавирус илдетинен дарыланып жаткан 151 бейтап айыгып, үйүнө чыккан. Ал эми 7 адам каза болгон.
18-марттан 12-июлга чейин өлкөдө жалпы 10625 адам коронавирус жуктуруп алган. Ал эми 3387 адам илдеттен айыккан. Жалпы бул оорудан 132 адам каза болгон.
