“Бишкексууканал” муниципалдык ишканасына бересеси бар шаар тургундарынын карызы 145 млн сомго (1 млн 658 миң доллар) жетип, барган сайын өсүүдө. Бул тууралуу мэриядан билдиришти.

Шаар бийлиги карызын төлөбөгөн абоненттердин айынан оңдоо иштерин жүргүзүү, кызматкерлерге эмгек акы төлөө, суу түтүктөрүн, канализация, насостук станцияларды, тазалоочу курулмаларды жаңылоо кечеңдеп жатканын белгиледи.

Мэрия тургундарды карызын тез арада төлөөгө чакырат. Болбосо 4-февраль саат 10:00до ишкана бересеси барлардын суусун өчүрөт.