2026-жылдын август айында коммерциялык банктар улуттук валютада 892,2 млрд сомдук, ал эми чет өлкөлүк валютада 59,4 млрд сомго барабар жаңы депозиттерди кабыл алышкан. Сом менен кабыл алынган депозиттердин көлөмү чет өлкөлүк валютадагы депозиттерден 15 эсе көп. Валюталык салымдардын жаңы депозиттердин жалпы көлөмүндөгү үлүшү 6,2%ды түзгөн. Бул тууралуу Улуттук банктын маалыматтарында айтылат.

Бир жыл мурда, 2025-жылдын август айында сом менен салынган депозиттердин көлөмү 577,4 млрд сомду, ал эми чет өлкөлүк валютадагы депозиттер 50,9 млрд сомду түзгөн. Ошол кезде валюталык салымдардын үлүшү 8,1% болгон. Бир жыл ичинде сомдук депозиттер 54,5%га, валюталык депозиттер 16,7%га көбөйгөн.

Сегиз айдын жыйынтыгы боюнча да ушундай көрүнүш байкалат. 2026-жылдын январь–август айларында банктар 6 трлн сомдук жаңы сомдук депозиттерди кабыл алышкан. Бул өткөн жылдын ушул мезгилине салыштырмалуу 39,1%га көп. 2025-жылдын ушул мезгилинде көрсөткүч 4,3 трлн сомду түзгөн.

Ал эми чет өлкөлүк валютадагы депозиттердин көлөмү сом менен эсептегенде 459,8 млрд сомду түзүп, бир жылда 34,1%га азайган. Былтыр бул көрсөткүч 698 млрд сом болгон. Валюталык салымдардын үлүшү сегиз айда 13,9%дан 7,1%га чейин, башкача айтканда, дээрлик эки эсеге төмөндөгөн.

Август айында сомдук депозиттер боюнча орточо пайыздык чен жылдык 3,06%ды, ал эми чет өлкөлүк валютадагы депозиттер боюнча 0,21%ды түзгөн.