Мамлекеттик салык кызматы Бишкек шаарында үй шартында жасалма алкоголдук продукция өндүрүү фактыларын аныктады. Бул тууралуу МСКнын басма сөз кызматы билдирди.

Мыйзамсыз өндүрүш шаардагы Ленин жана Биринчи май райондорунун турак үйлөрүндө жүргүзүлгөн текшерүүлөрдүн жүрүшүндө аныкталган. Текшерүүлөр акциздик продукцияны мыйзамсыз өндүрүүгө жана жүгүртүүгө бөгөт коюу иш-чараларынын алкагында өткөрүлгөн. Аныкталган фактылар боюнча мыйзамга ылайык чаралар көрүлдү.

МСК акциздик продукцияны өндүрүү жана жүгүртүү мыйзам талаптарын сактоо менен жүргүзүлүшү керектигин эскертти.