Ошто оюнчуктун магнитин жутуп алган 2 жаштагы наристеге операция жасалды. Бул тууралуу Ош облустар аралык балдар клиникалык ооруканасы билдирди.

Маалыматка ылайык, наристе 3 күн бою улам-улам кусуп жаткандыктан ата-энеси ооруканага кайрылган. Рентген менен текшерүүнүн жыйынтыгында, баланын ичегилеринде бир нече бөтөн зат бар экени аныкталган. Дарыгерлер шашылыш түрдө операция жасашып, 17 даана оюнчук магнитин алып чыгышкан.

“Учурда бейтаптын абалы туруктуу, тиешелүү дарылоо жана көзөмөл жүргүзүлүп жатат”- деп билдирди оорукана.