Билим берүү министрлиги 2025-жылга карата жаңы окуу материалдарын басып чыгарууну каржылоо тууралуу маалымат таратты.

Ага ылайык, кыргыз жана орус тилдериндеги окуу китептеринин толук комплектисин 2028-жылга чейин чыгаруу пландалууда.

Бүгүнкү күндө жалпы суммасы 272,7 миллион сомго 3-9-класстар үчүн 1,2 миллион нускадан ашык англис тили китептери басылып чыкты. Улуу Британиянын элчилигинин колдоосу менен жалпысынан 25 миллион сомго жакын кошумча 158 миң окуу китептери басылып чыкты.

1-2 жана 5-7-класстар үчүн математика жана табият таануу боюнча окуу китептерин экспертизадан өткөрүү, ошондой эле орус тили жана адабияты боюнча материалдарды орус кесиптештери менен бирдикте ылайыкташтыруу боюнча иштер жүрүп жатат.