Кыргызстан менен Кытай экономикалык кызматташтыкты өнүктүрүү боюнча сүйлөшүүлөрдү жүргүздү.

Иш-чарага экономика жана соода министринин орун басары Искендер Асылкулов, ошондой эле Жибек жолу коомдук илимдер академиясынын делегациясы жана кытайлык ишкерлер катышты.

Кызматташтыктын артыкчылыктуу багыттары, анын ичинде фармацевтика, туризм, текстиль өнөр жайы, жашыл экономика жана энергиянын кайра жаралуучу булактары талкууланды. Тараптар биргелешкен долбоорлорду ишке ашыруу жана өлкөлөр ортосундагы инвестициялык климатты жакшыртуу мүмкүнчүлүгүн карашты.