Эртең, 28-октябрда саат 9.00дөн 17.00гө чейин Бишкектин айрым райондорунда ичүүчү суу токтотулат. Бул тууралуу борбор калаанын мэриясынын басма сөз кызматы билдирди.

«Бул шаардагы суу түтүктөрүндө оңдоо-профилактикалык иштердин жүргүзүлүшүнө байланыштуу», – деп түшүндүрүштү муниципалитет.

Турак жайлар, мектептер, бала бакчалар, саламаттыкты сактоо мекемелер жана башка социалдык объектилерди суу менен камсыз кылуу токтотулат. Суу жок аймактар 7-Апрель, Горький, Достоевский көчөлөрү жана темир жол линиясы менен чектелет.

Бишкек шаарынын мэриясы келтирилген ыңгайсыздыктар үчүн кечирим сурайт. Ошондой эле калкты жана мекеме-уюмдарды ичүүчү сууну камдап алуусун эскертет.