Ош шаарында тамактануучу жайдан өрт чыкты, деп билдирет Өзгөчө кырдаалдар министрлигинин басма сөз кызматы.
Маалыматка караганда, Оштун Навои көчөсүндө жайгашкан тамактануучу жайдан өрт чыккандыгы тууралуу маалымат түшкөн.
Өрттү өчүрүүгө саат 09:55те Ош шаардык №13 өрт өчүрүү бөлүмүнөн 2 бөлүм, 1 автошаты, саат 10:02де Ош шаардык №12 ӨКБдан 2 бөлүм, саат 10:04тө Ош шаардык №85 ӨКБдан 1 бөлүм, жалпы 5 бөлүм, 1 автошаты жана ыкчам топ тартылган.
Өрт саат 10:16да чектөөгө алынып, болжол менен 700 чарчы метр аянты күйгөнү белгилүү болду. Учурда өрттү өчүрүү иши жүрүүдө.
Алдын ала маалымат боюнча жабыркагандар жок.
