Бүгүн, 23-июлда Ысык-Көл районунун Комсомол айылында «Альботрос» кемесинен өрт чыкты. Бул тууралуу ӨКМдин басма сөз кызматы билдирди.
Маалыматка караганда, жүргүнчүлөр скутерлер менен эвакуацияланган.
Өрттү өчүрүүгө саат 17:13тө райондук №35 ӨКБдан 1 бөлүм тартылган.
Ысык-Көл облустук милициянын маалыматына караганда, өрт чыккан кемеден 20 адам эвакуацияланган. Алардын арасында балдар дагы бар. Учурда өрт өчүрүлүп, кеме жээкке тартылууда.
