Кароосуз калып, Тажикстандын аймагына өтүп кеткен мал өз ээсине кайтарылды. Бул тууралуу Ички иштер министрлиги билдирди.
Маалыматка караганда, 27-ноябрь күнү саат 10:30дар чамасында Ак-Сай айылынын тургуну Запарбек Жолдубаевдин 6 баш ую кароосуз калып, короосунан белгисиз жакка чыгып кеткен.
«Баткен райондук милиция кызматкерлери териштирүү иштерин жүргүзгөн учурда, мал Тажикстандын Исфара районунун Ворух аймагына өтүп кеткени аныкталган. Милиция кызматкерлери тарабынан көрүлгөн ыкчам чаралардын натыйжасында, 29-ноябрь күнү саат 20:30дар чамасында Тажикстандын Исфара районунун Ворух райондук милиция кызматкерлери менен сүйлөшүүлөр жүргүзүлүп, мал ээсине кайра кайтарылып берилди», — деп айтылат маалыматта.
Биздин Телеграм каналга катталыңыз
