Орусия ар бир облуска бирден, Бишкек жана Ош шаарларына да бирден мектеп курат. Бул тууралуу Россия Федерациясынын вице-премьер-министри Алексей Оверчук соода-экономикалык, илимий-техникалык жана гуманитардык кызматташуу боюнча өкмөттөр аралык кыргыз-орус комиссиясынын жыйынында билдирди.

Маалыматка караганда, мектептердин биринчиси 2025-жылы ачылып, орус тилинде окутулушу күтүлүүдө. Ар бир мектепте спорт аянтчалары, бассейндер, чуркоо жана оюн аянтчалары бар 4 корпус болот.

Курулуш толугу менен Орусиянын эсебинен жүргүзүлөт.

Тиешелүү макулдашууга Билим берүү министри Каныбек Иманалиев жана Россия Федерациясынын билим берүү министринин орун басары Денис Грибов кол коюшту.

Биздин Телеграм каналга катталыңыз