№43 мекемесинде кургак учуктан кесепетинен операция болуп, өпкөсүнүн бир бөлүгү алынган К.К. аттуу жаран оор жумушка тартылган. Бул тууралуу Акыйкатчы институту билдирди.
Маалыматка караганда, Жаза аткаруу мекемесинде соттолгон жаран курулуш иштерине салынган.
Акыйкатчы Жамиля Жаманбаеванын кайрылуусунан кийин соттолгон жаран оор жумуштан бошотулуп, ал эми адам укуктарынын бузулушуна жол берген жабык мекеменин кызматкерлерине карата Жаза аткаруу кызматынын жетекчилиги тарабынан чара көрүлгөн.
Акыйкатчы мамлекеттик органдарды эркинен ажыратуу жайларында соттолгондордун майып статусун алуу укуктарын караган документти кабыл алууну тездетүүгө чакырат.
Биздин Телеграм каналга катталыңыз
