Ош облусунун Араван районунун тургуну баңгизатты мыйзамсыз сактоого шектелип кармалды. Бул тууралуу облустук милиция билдирди.
Маалыматка ылайык, рейд учрунда Араван районунун тургунунун үйүнүн короосунан баңгизатка окшогон, өзгөчө жыты бар кургатылган өсүмдүк табылып алынган.
Бул факт боюнча Кылмыш-жаза кодексинин 283-беренеси (баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) менен кылмыш иши козголгон.
Экспертизадан жыйынтыгы боюнча табылып алынган зат «марихуана» болуп чыккан. Анын салмагы 1 кг 646 граммды түзөт.
Шектүү катары 53 жаштагы үй ээси К.К. кармалып, убактылуу кармоочу жайга камак алынды.
