“Фейсбуктун” колдонуучусу массалык башаламандыктарга чакырык жасооого шектелип кармалды. Бул тууралуу УКМКдан кабарлашты.

Маалыматка ылайык, Жусуп Ботобаев аттуу жаран “Фейсбуктагы” баракчасына өлкөдөгү абалды туруксуздаштыруу, башаламандык уюштуруу максатында чагымчыл мазмундагы билдирүүлөрдү жарыялаган деп шектелүүдө.

Атайын кызмат ал “Манас” эл аралык аэропортунан Москвага учуп жатканда кармалганын, ага Кылмыш-жаза кодексинин 278-беренесинин 3-бөлүгү (массалык башаламандыктарга чакырыктар) менен кылмыш иши козголгонун билдирди.

Соттун чечими менен ал №1 тергөө абагына камака алынды.