Кыргызстандын грек-рим балбаны Раззак Бейшекеев Иорданияда өтүп жаткан Азия чемпионатынын финалына чыкты.
Бейшекеев 67 кг салмакта күрөшүүдө.
Ал таймашты чейрек финалдан баштап, биринчи беттешинде индиялык Нераж Неражды 9:0 эсебинде жеңди.
Андан кийин финалга чыгуу үчүн япониялык Катсуаки Эндо менен күч сынашып, аны 5:1 эсебинде утту.
Эми ал алтын үчүн ирандык Саед Эсмаели менен күрөшөт.
Эскерте кетсек, бул эки балбан былтыр Бишкекте өткөн Азия чемпионатынын финалында күрөшкөн. Анда Эсмаели 1:3 эсебинде жеңишке жеткен.
Саед Эсмаели Париждеги Олимпиада оюндарынын жеңүүчүсү болуп саналат.
