Айыл чарба министрлиги өлкөдө жазгы талаа жумуштары аяктап калгандыгын маалымдады.
Маалыматка ылайык, учурда жалпысынан 651,4 миң гектар аянтта айдоо жана себүү иштери жүргүзүлдү. Бул пландалган айдоо түзүмүнүн 93,4 пайызын түзөт.
Негизги айыл чарба өсүмдүктөрү боюнча жумуштардын жүрүшү төмөнкүдөй:
- Буудай – 102,4 миң гектар жерге себилди;
- Арпа – 223,7 миң гектар;
- Жүгөрү – 104,9 миң гектар;
- Буурчак өсүмдүктөрү – 49,0 миң гектар;
- Картошка – республика боюнча 63,2 миң гектарга эгилди, бул өткөн жылга салыштырмалуу 1,1 миң гектарга көп;
- Жашылча өсүмдүктөрү – 52,3 миң гектарды ээлеп, былтыркыга караганда 0,4 миң гектарга көп;
- Дарбыз-баштык өсүмдүктөрү – 10,9 миң гектарга эгилген, бул өткөн жылга салыштырмалуу 1,22 миң гектарга көп.
- Майлуу өсүмдүктөр – 12,9 миң гектар;
- Кант кызылчасы – Чүй жана Талас облустарында 12,87 миң гектар жерге себилди.
